खोचका खनना : अनहित करना। (अहित करना)
दूसर बर खोच का खनही तेकर कभू हित नइ होय। एक दिन खुदे हा उही खोचका मा झपाही।
रविवार, 31 अगस्त 2014
खो-खो के लेसना
खो-खो के लेसना : बड़ पदोना। (अधिक परेशान करना)
रजवाड़ा जबाना मा कतको राजा मन अपन परजा ला खो-खो के लेसें। ओकर ले तो आज के राज बने हे।
खोए-खाए बर चटुवा नइ होना
खोए-खाए बर चटुवा नइ होना : कंगला होना (कंगाल होना)
ओकर कोन बिसवाँस करही बाबू, देखबे ते खोए-खाए बर चटुवा नइ हे अउ बात बर बजरंगी हे।
खेल खेलना
खेल खेलना : धोखा देना। (यथावत)
तोर ऊपर भरोसा करके जुम्मेदारी सौपेंव अउ ते अच्छा खेल खेलदेस कालूराम, मोर नंगत अकन नुकसान कर डरेस ते हा।
खेत बढ़ोना
खेत बढ़ोना : धान कटाई खतम करे के पहिली पूजा करना। (धान की कटाई समाप्त करने के पूर्व पूजा करना)
बड़े दाऊ घर आज खेत बढ़ोवत हे परसाद झोंके बर आहू।
खून-पसीना एक करना
खून-पसीना एक करना : अबबड़ मिहिनत करना। (कड़ी मेहनत करना)
कोनो बुता होय, सफलता पाए बर खून-पसीना एक करे ला परथे।
खूँटी गड़ियाना
खूँटी गड़ियाना : सीमा बनाना। (यथावत)
उँकर मन के भाई-भाई मा बैर हे एकरे सेती तुरतेताही अँगना मा खूँटी गड़िया डरिन।
खुरच-खुरच के मरना
खुरच-खुरच के मरना : बड़ दुख पाके मरना। (बहुत दुख सहकर मरना)
काकरो भाग मा खुरच-खुरच के मरना बदे हे तउन ला कोनो का कर डारही। ये तो ऊपरवाले के हाँत मा हे।
काकरो भाग मा खुरच-खुरच के मरना बदे हे तउन ला कोनो का कर डारही। ये तो ऊपरवाले के हाँत मा हे।
खुमरी के तोपत ले जीना
खुमरी के तोपत ले जीना : बड़ दिन ले जीना। (दीघार्यु होना)
हमर गाँव मा मुकरदम बबा हा खुमरी के तोपत ले जीस हे। वतका लंबा जियइया दूसर अभी कोनो नइ हे।
हमर गाँव मा मुकरदम बबा हा खुमरी के तोपत ले जीस हे। वतका लंबा जियइया दूसर अभी कोनो नइ हे।
खुद्दा मारना
खुद्दा मारना : उछल-कूद करना। (यथावत)
पढ़े-लिखे बर टूरा हा थोथना ला ओरमा दे रथे अउ खुद्दा मारे बर जानदे।
पढ़े-लिखे बर टूरा हा थोथना ला ओरमा दे रथे अउ खुद्दा मारे बर जानदे।
खाली होना
खाली होना : उरक जाना। (समाप्त हो जाना)
मुसुवा के खाए ले घलो कोठी मा भराए धान हा खाली हो जथे, तब पुरखा के कमाए पूँजी हा कतिक दिन ले पुरही।
खाली हाँत होना
खाली हाँत होना : (i) कुछु पइसा नइ रहना। (कुछ भी पैसे न रहना)
मातिन बाई ला का कहिबे, ओ तो गाँव-गँवतरी जाथे तभो खाली हाँत जाथे। असनो कंजूसी का काम के।
(ii) धनी के मर जाना। (पति का मर जाना)
खोरबाहरिन ला खाली हाँत होए दू बच्छर हो गेहे। अपन दू झन लइका मन ला धर के हाबे।
खार निकालना
खार निकालना : नवाँ बहू ला बुता कमाए बर खेत लेगना। (नव-विवाहिता को काम कराने के लिए खेत ले जाना)
खोरबाहरा हा कतिक उजबक आदमी हे। बहू के मेंहदी नइ पोंछाए हाबे अउ खार निकालत हे।
खाप खाना
खाप खाना : बिचार नइ ते बुता मा मेल होना। (विचार या कार्य में मेल होना)
जइसन ला तइसन मिलथे तभे खाप खाथे। परजाँवर के मिले ले एके झन हा कत्तिकेच बल करही।
खाना कमाना
खाना कमाना : मिहिनत करके जिनगी च लाना। (मेहनत करके जीवन च लाना)
जियइया बर सरी दुनियाँ हे। दुनियाँ के मजा लेय बर खाना-कमाना तो परही।
खा के हागना
खा के हागना : गुन हगरा होना। (नमकहरामी करना)
पुरखा के कमाए धन-जोगानी तो खूब रिहिसे फेर जम्मो ला इही हा खा के हाग दिस। आज लइका मन ला बनी कमाए ला पड़त हे।
खा-कमा डारना
खा-कमा डारना : चौंथापन आ जाना। (वृद्ध हो जाना)
मरी जबो ते का भइस, हम तो खा-कमा डरे हन। लइका मन तो सुलीन लगा के राहँय।
खाए भात हा चाँउर होना
खाए भात हा चाँउर होना : बिपत मा फँसना। (संकट में फँसना)
जादा के अतियाचार हा कतिक दिन चलही। जब पाप बाढ़थे तब अपने अपन खाए भात हा चाउँर हो जथे।
खाए के पातुर होना
खाए के पातुर होना : सुवारथी होना। (स्वार्थी होना)
हरकू ला ओकर बात सुनके बने चेतलगहा होही सोंचत रेहेंव। ओकर बुता ला देखेंव तब जानेंव वहू हा खाएच के पातुर ए।
खाए के दाँत अलग, देखाए के दाँत अलग होना
खाए के दाँत अलग, देखाए के दाँत अलग होना : केहे अउ करे मा फरक होना। (कहने और करने में अंतर होना)
मनटोरा के बात ला में नइ पतियाँव। ओकर तो खाए के दाँत अलग, देखाए के दाँत अलग रथे।
खाए अंग नइ लगना
खाए अंग नइ लगना : चैन नइ परना। (चैन नहीं पड़ना)
घर मा आते साठ हरहर-कटकट सुरु हो जथे। खाए अंग नइ लगे तब कइसे मन मिलही।
खाँध जोरना
खाँध जोरना : मितान बनाना। (मित्र बनाना)
काली दसरु हा बड़ गिनहाँ गावत रिहिसे। आज बर सुकलाल संग कइसे खाँध जोर के घूमत हे।
खाँध आना
खाँध आना : बइला-भँइस्सा के खाँध फूल जाना। (बैल-भैंसों के कंधे पर सूजन आना)
बलहा बइला के खाँध आगे हाबे। ओमा दवई लगा दे अउ दू दिन सुरतावन देबे।
खस्सू-गिरहा मिटाना
खस्सू-गिरहा मिटाना : बुता नइते सउँख हा पूरा होना। (कार्य या इच्छा का पूर्ण होना)
सुखीराम के इही सुभाव हा बने नइ लागे। ओकर खस्सू-गिरहा मिटा जथे ताँह ले दूसर ला हिरक के नइ देखे।
खवा के उगलना
खवा के उगलना : हिनमान करना। (अपमान करना)
भूख मा अँइठई हा सहउल देथे फेर जउन हा खवा के उलगाथे तेकर घर खवई नइ पोसाय।
भूख मा अँइठई हा सहउल देथे फेर जउन हा खवा के उलगाथे तेकर घर खवई नइ पोसाय।
शनिवार, 30 अगस्त 2014
शुक्रवार, 29 अगस्त 2014
गुरुवार, 28 अगस्त 2014
खवइया-कमइया
खवइया-कमइयाः मिहिनत-मजदूरी करइया। (मेहनत-मजदूरी करनेवाला)
खवइया-कमइया आए ते का भइस, आदत-सुभाव मा तोला रामू कस लइका खोजे मा नइ मिले।
खलक उजड़ना
खलक उजड़ना : (i) भीड़ लग जाना। (यथावत)
मुँड़कट्टा चोर ला पुलिस हा धर के लानिस ते देखइया मन के खलक उजड़गे राहय।
(ii) जम्मो झन के तुरते भगा जाना। (सभी का तत्काल भाग जाना)
हुँड़रा ला देखते साठ छेरी मन खलक उजड़गें। छेके ले नइ छेकइन।
(iii) तुरते खतम हो जाना। (तत्काल समाप्त हो जाना)
बजार पहुँचे नइ पाए रिहिसे, बड़े दाऊ हा रद्दा मा ओकर बोझा उतरइस ते उहिच कना जम्मो जाम हा खलक उजड़गे।
खरिखा बर पेरा नइ पुरना
खरिखा बर पेरा नइ पुरना : भीड़ बर सहज मा मिलइया जिनिस के कमती पड़ जाना। (भीड़ के लिए सहज-सुलभ वस्तु की कमी होना)
पाँच किलो रमकलिया हा बराती खवाए बर कइसे पुरही पुरन, खरिखा बर पेरा नइ पुरे तब अतकी अकन मा कइसे बनही।
खर नइ खाना
खर नइ खाना : सहि नइ पाना। (सह नहीं सकना)
हमर गाँव के गौंटिया हा बने-बने मा करेजा खवा दीही फेर अनियाँव के देखत खर नइ खाए।
हमर गाँव के गौंटिया हा बने-बने मा करेजा खवा दीही फेर अनियाँव के देखत खर नइ खाए।
बुधवार, 27 अगस्त 2014
मंगलवार, 26 अगस्त 2014
खरचा मा डारना
खरचा मा डारना : खरचा करा देना। (खर्च करा देना)
ओला मकान बनाए के सलाह का देन, ओतो हमीं ला खरचा मा डार दिस।
ओला मकान बनाए के सलाह का देन, ओतो हमीं ला खरचा मा डार दिस।
खरचा देना
खरचा देना : गुजर-बसर के बेवस्था करना। (जीवन-निर्वाह की व्यवस्था करना)
बीरसिंग हा अपन बिहातिन ला खरचा देथे ते देथे, सुख-चैन ले तो हाबे।
खर खा के नइ उठना
खर खा के नइ उठना : बिरोध नइ कर पाना। (विरोध न कर पाना)
दुरयोधन के अतियाचार हा अत्तेक बाढ़गे रिहिसे के भीसम पितामह अउ गुरू दरोनाचार्य हा घलो खर खा के नइ उठ पात रिहिन हें।
खड़े-खड़े हगवाना
खड़े-खड़े हगवाना : तुरंत वसूलना। (तत्काल वसूली करना)
बोहरन ला कहूँ पता चलिस के तोर कना पइसा हे, तब तोर काम होए ते झन होए अपन लेनगी ला खड़े-खड़े हगवा डारही।
खड़े-खड़े मूतना
खड़े-खड़े मूतना : नंगत के डर्रा जाना। (खूब डर जाना)
परस राम हा अपन ददा ले अत्तेक मार खाए हे के ओहा अपन ददा ला देखते साठ खड़े-खड़े मूत डारथे।
रविवार, 24 अगस्त 2014
खड़े-खड़े झर्राना
खड़े-खड़े झर्राना : तुरते वसूलना। (तत्काल वसूली करना)
कोदूराम हा करजा मा पइसा बाँटथे ते का भइस, बखत परे मा खड़े-खड़े झर्राए ला घलो जानथे।
खटिया सेना
खटिया सेना : खटिया मा सुते रहना। (चारपाई पर पड़े रहना)
ते तो मुँधेरहा ले दुरूग जाहूँ काहत रेहेस, ते यहा दे दस बज गे अभी तक खटियच सेवत हस जी?
खटिया रेंगाना या लहुटाना
खटिया रेंगाना या लहुटाना : मारे के सरापा देना। (मर जाने का शाप देना)
रोज काकरो-न-काकरो खटिया रेंगाथस तेन हा बने लागथे मनौतिन, असने अनचाहित गोठ ला काबर गोठियाथस?
खटिया पचना
खटिया पचना : गजब दिन ले बिमार रहना। (लंबे समय से बिमार रहना)
चौंथापन मा खटिया पचईहा नरक के जिनगी ताय। भगवान हा अइसन दुख कोनों ला झन देवय।
खटिया धरना
खटिया धरना : बिमार होना। (बीमार होना)
आज हा पंदरही पुर जही, रखवार ला खटिया धरे। एकर सेती फसल के चरी बाढ़ गेहे।
खटिया टोरना
खटिया टोरना : सुछंद हो के आराम करना। (निश्चिंत हो कर आराम करना)
बड़े बने के सपना हा खटिया टोरे ले पूरा नइ होवय बाबू, ओकर बर रात-दिन एक कर के कमाए ला परथे।
खटिया उतारना
खटिया उतारना : अबक-तबक मरइया मनखे ला खटिया ले उतारके भुइयाँ मा सुताना। (मरणासन्न व्यक्ति को खाट से उतारकर जमीन पर लिटाना)
झालावाली दाई ला काली खटिया उतारिन हें अउ आज बर बने गोठियाय ला धर लिस।
खटिया उसालना/निकालना
खटिया उसालना/निकालना : मरे के सरापा देना। (मरने की बद्दुआ करना)
तोर खटिया उसालँव रे ननजतिया नइ तो, घेरी-बेरी लइकच संग लागथस।
खजरी होना
खजरी होना : जरुरत होना। (यथावत)
आज जउन ला खजरी हे तउने हा गुलामी करथे, नइ ते गुलामी के जबाना तो कब के नँदा गेहे।
खजरी डाँटना/ धरना
खजरी डाँटना/ धरना : कोनो बुता ला करे बर लुहलुहाए रहना। (किसी कार्य को करने के लिए उत्सुक रहना)
हम तो मनात भर ले मनाएन, तभो ले तोला खजरी डाँटे रिहिसे तेकर सेती पर के बुध मान के अइसन उदीम करेस। एमा हम का करन?
खंजा मढ़ाना
खंजा मढ़ाना : भाग मढ़ाना। (हिस्सा निर्धारित करना)
चारो भाई बर जम्मों जिनिस ला सोंच-बिचार के चार खंजा मढ़ा देव। थोर-बहुँत के ऊँच-नीच ला सँवासहीं तभे तो बँटवारा होही।
खँड़री नींछना
खँड़री नींछना : नंगत के ठठाना। (खूब मारना)
चेत लगाके पढ़, कभू नी पास होएस ते तोर ददा हा खँड़री नींछ डारही तोर।
खँड़री ओदारना
खँड़री ओदारना : मनमाने ठठाना। (खूब पीटना)
बिन मतलब के झन रेंधियाए रा। तोर ददा आही ते तोर खंड़री ओदार डारही।
बिन मतलब के झन रेंधियाए रा। तोर ददा आही ते तोर खंड़री ओदार डारही।
शनिवार, 23 अगस्त 2014
कोलिहा पिटान पीटना
कोलिहा पिटान पीटना : मनमाने ठठाना। (जम कर पिटाई करना)
आज एक झन बावा आए रिहिसे तउने हा ननकू के बहू ला का-का बोल दिस। तेकरे सेती पारा भर के मन ओला कोलिहा पिटान पीटे हे।
आज एक झन बावा आए रिहिसे तउने हा ननकू के बहू ला का-का बोल दिस। तेकरे सेती पारा भर के मन ओला कोलिहा पिटान पीटे हे।
कोरी खरिखा होना
कोरी खरिखा होना : बड़ अकन होना। (बहु-संख्यक होना)
आज के जबाना मा कोरी खरिखा लइका उपजारना हा घोर गरीबी ला नेंवता देना ताय।
कोरा उजरना
कोरा उजरना : अकेल्ला संतान के मर जाना। (इकलौती संतान का मर जाना)
मनौती करत आधा उम्मर मा लइका पाए रिहिसे बसंता हा, तउनो बपरी के आज कोरा उजरगे।
कोरा भराना
कोरा भराना : लइका आना। (संतान प्राप्त करना)
चैती के आधा उम्मर मा कोरा भराए हे एकरे सेती गाँव भर ला नेंवता बाँटत हे।
कोदो देके पढ़ना
कोदो देके पढ़ना : अधुवन नइते गलत गियान पाना। (अधूरी या गलत शिक्षा पाना)
पढ़े-लिखे होके घलो अड़हा कस गोठियाथस रे मुरकू, कोदो देके पढ़े हस का?
कोदो दरना
कोदो दरना : बेकार समे गवाँना। (व्यर्थ समय खोना)
कतिहाँ कोदो दरे ला भिड़गे रेहेस रे छन्नू, बलाएँव ते आतेच हों केहेस तेहा अभी आवत हस।
कतिहाँ कोदो दरे ला भिड़गे रेहेस रे छन्नू, बलाएँव ते आतेच हों केहेस तेहा अभी आवत हस।
कोतरी छोंड़ के खोखसी धरना
कोतरी छोंड़ के खोखसी धरना : मन बढ़ाना। (अधिक महत्वाकांक्षी होना)
कोतरी छोंड़ के खोखसी धरे के उदीम करे ले का होही? राग-पाग ला घलो जाने ला परथे।
कोठा धरना
कोठा धरना : मवेसी के बिमार होना। (पशु का अस्वस्थ होना)
काम कमई के दिन मा मवेसी के कोठा धरई हा समे अउ बुता दूनों के खुहारी ताय।
कोचक के घाव बनाना
कोचक के घाव बनाना : जबरन बैर बढ़ाना। (जबरदस्ती दुश्मनी बढ़ाना)
अपन ले बड़े संग कोचक के घाव बनाबे तब कोन तोर साथ दीही।
अपन ले बड़े संग कोचक के घाव बनाबे तब कोन तोर साथ दीही।
कोचई नींछना
कोचई नींछना : बेकार समय गवाँना। (व्यर्थ समय खोना)
घर मा बइठे-बइठे कोचई नींछे ले देस-दुनियाँ समझ मा नइ आय बिरझू, थोर-बहुँत घूम तब समझबे।
कोचई काँदा होना
कोचई काँदा होना : छोटे मति के होना। (विचार सीमित होना)
अतिक पढ़-लिख के घलो कोचई काँदा हो गेहस रे पूत..! अड़हा रतेस ते कोन जनी का करतेस ते।
कोंदा होना
कोंदा होना : कुछु नइ बोलना। (कुछ न बोलना)
दूसर के बइगुन मा अबबड़ हाँसे-बड़बड़ाय, अपन उपर अइस तब कइसे कोंदा होगे?
कोंड़हा रोटी खाना
कोंड़हा रोटी खाना : गरीबी मा जीना। (गरीबी में जीना)
सबो दिन एक बरोबर नइ होवय खोरबाहरा..! आज कोंड़हा के रोटी खावत हस तब का भइस, काली के दिन बहुर के आही।
कोंड़हा छनकना
कोंड़हा छनकना : फुसर्री पानी गिरना। (हल्की फुहार होना)
काली तो रट-रटउवाँ घाम रिहिसे तभो ले घेरी-बेरी कोंड़हा छनकत रिहिसे।
शुक्रवार, 22 अगस्त 2014
केहे बोले बर होना
केहे बोले बर होना : खभर होना। (संदेश होना)
में तोर ससुरार गाँव जात हँव मितान, कुछु केहे-बोले बर होही ते गोठिया डार।
केरा पान कस डोलना
केरा पान कस डोलना : मन स्थिर नइ रहना। (मन स्थिर नहीं रहना)
ओकर का बेला बिचार जेहा खुदे केरा पान कस डोलत हे।
केछुआ के चाल चलना
केछुआ के चाल चलना : निच्चट धीर लगाके रेंगना। (अत्यंत धीमी गति से चलना)
आज के जबाना हा लकर-लकर करइया के आय। केछुआ के चाल चलही तउन हा पार नइ लगे।
कुला मटकाना
कुला मटकाना : (i) बेकार घूमना। (व्यर्थ घूमना)
काम-बुता बर जाँगर नइ च ले अउ ए गली ले ओ गली कुला मटकात हे। असने (ii) नखरा लगाना। (नखरे करना)
तोला गाँव नइ जाना हे का रे, सब तइयार होगे हें अउ तें अभी तक कुला मटकात हस।
कुला दुआरी होना
कुला दुआरी होना : लक्ठा मा होना। (पास में होना)
कुला दुआरी मा खेत हे तिहाँ बनिहाँर-भुतिहार के हियाव करे बर नइ जास। तिनसियार मा रतिस ते कोन जनी का करतेस ते।
कुल बिहाना
कुल बिहाना : बढ़िया घराना वाली नोनी संग बिहाव करना। ( कुलीन कन्या से विवाह करना)
बिहाव तो जीवन भर के बँधना आए। एकर सेती सियान मन कथें- "जिनगी ला खुसहाल बनाए बर कुल बिहाना चाही।"
बिहाव तो जीवन भर के बँधना आए। एकर सेती सियान मन कथें- "जिनगी ला खुसहाल बनाए बर कुल बिहाना चाही।"
कुधरिल के तेल निकालना
कुधरिल के तेल निकालना : असंभो बुता करना। (असंभव कार्य करना)
तीहीं बोलथस के मुरूख हा कभू बिद्वान नइ बन सके, तब कुधरिल के तेल काबर निकालत बइठे हस?
कुटहा परना/होना
कुटहा परना/होना : बात-बानी नइ लागना। (निर्लज्ज होना)
पढ़े बर चिल्लात-चिल्लात मोर माथा धमकगे फेर ये टूरा हा कुटहा पर गेहे, नइ माने।
पढ़े बर चिल्लात-चिल्लात मोर माथा धमकगे फेर ये टूरा हा कुटहा पर गेहे, नइ माने।
कुकुर बिलई कस होना
कुकुर बिलई कस होना : भटका खाना। (दर-दर भटकना)
अब तो पढ़े-लिखे लइका मन घलो नउकरी खातिर कुकुर-बिलई कस होगें।
कुकुर के पूछी होना
कुकुर के पूछी होना : जिद्दी होना। (यथावत)
ननकू राम के बबा हा डोकरा हो गेहे ते का भइस, कुकुर के पूछी आय। कतको मना डार नइ माने, अपनेच सुर मा रथे।
कुकुर कस भूँकना
कुकुर कस भूँकना : बिन मतलब के बड़बड़ाना। (व्यर्थ प्रलाप करना)
चार झन लइका मन सकलइन ताँह ले कुकुर कस भूँकत रबे तभो नइ माने। अपने सुर मा खेलत-कूदत रथें।
चार झन लइका मन सकलइन ताँह ले कुकुर कस भूँकत रबे तभो नइ माने। अपने सुर मा खेलत-कूदत रथें।
कुकुर कस किंदरना
कुकुर कस किंदरना : अबिरथा घूमना। (व्यर्थ घूमना)
जवान लइका हे, कोनो काम-बुता मा चेत करतिस तेहा गली-गली कुकुर कस किंदरत हे।
कुआँरा बजार होना
कुआँरा बजार होना : मँड़ई नइ निकलना। (देव के प्रतीक के रुप में अलंकृत बाँस का मंडाई में न निकाला जाना)
एसो हमर गाँव के मँड़ई हा कुआँरा बजार होगे।
गुरुवार, 21 अगस्त 2014
कुँद-कुँद के गोठियाना
कुँद-कुँद के गोठियाना : चुन-चुन के गोठियाना। (चुनिंदा बातें करना)
गोपाल ला नानकुन झन जान अइसे कुँद-कुँद के गोठियाथे ते सुनइया हा दंग रहि जथे।
गोपाल ला नानकुन झन जान अइसे कुँद-कुँद के गोठियाथे ते सुनइया हा दंग रहि जथे।
कीरा रेंगना
कीरा रेंगना : मन बाढ़ना। (उत्सुक होना)
मदरसा खुलिस ताँह ले कापी-किताब लेवाए बर लइका मन के माथा मा कीरा रेंगत रथे।
मदरसा खुलिस ताँह ले कापी-किताब लेवाए बर लइका मन के माथा मा कीरा रेंगत रथे।
कीरा परना
कीरा परना : खराब होना। (यथावत)
जउन ला बने हे कहिके सँहराबे तेकरे चाल मा कीरा परथे। जादा सँहराए के घलो नोहे।
जउन ला बने हे कहिके सँहराबे तेकरे चाल मा कीरा परथे। जादा सँहराए के घलो नोहे।
किल्ली पारना
किल्ली पारना : चिल्लाना। (ऊँची आवाज निकालना)
भीखू हा तोला किल्ली पार के बलइस तभो तोला नइ सुनइस पुरन, थोरको कन-मटक नइ देस।
किरिया पारे बर नइ होना
किरिया पारे बर नइ होना : निच्चटहेच नइ होना। (बिल्कुल नहीं होना)
का गोठियावँव दौनापान..! बने भाव हे कहिके बाबू के ददा हा जम्मों घीव ला बेंच दिस। हमर घर किरिया पारे बर घीव नइ हे।
किराए कुकुर कस किंजरना
किराए कुकुर कस किंजरना : बइहा कस एती ओती घुमना। (पागल के समान यत्र-तत्र घुमना)
ए टूरा ला का होगे हे जी..! मरघट्टी, तीन सियार मा किराए कुकुर कस किंजरत रथे।
किटिर-किटिर करना
किटिर-किटिर करना : गुँसियाना। (गुस्सा करना)
ते कमाए के लइक होके घलो कमास नहीं उल्टा लइका मन बर किटिर-किटिर करथस। का कमा डरहीं बपरा नाननान लइका मन?
काहत देरी होना
काहत देरी होना : बात मुँहू ले निकलत साठ। (बात मुँह से निकलते ही)
टूरा ला खेले बर काहत देरी हे, ताँहले देख कइसे भागही तेला।
किंदर-घुँची मारना
किंदर-घुँची मारना : किंदर के आना। (घूम कर आना)
कहाँ ले किंदर-घुँची मार के आवत हस रे? मुँड़-गोड़ ले फुतकागे हाबस।
काली के लइका होना
काली के लइका होना : अनभो नइ होना। (अनुभवहीन होना)
पढ़े-लिखे मन बर घलो अनभो के जरुरत होथे। अभी तेहा काली के लइका आस देख-सुन के सीख।
काला खाँव, काला बचाँव
काला खाँव, काला बचाँव : काला धरों, काला छोड़ों। (किसे पकड़ूँ, किसे छोड़ूँ )
जउन हा जतके कमाथे, वतके काला खाँव, काला बचाँव करत रथे।
काल बनना/होना
काल बनना/होना : जानलेवा होना। (प्राणघातक होना)
घामे-घामे मा आए रिहिसे अउ पानी पी दिस तीही एकर जी के काल होगे।
काल करना
काल करना : जानबूझ के आफत मा परना। (मुसीबत मोल लेना)
तोर कइसन रिस आय तेमा छान्हीं ले कूद देस रे ननजतिया नइतो..! अपन हाँत मा काल करबे तेला कोन का करही।
कारी पछीना छूटना
कारी पछीना छूटना : डर मा पछीना-पछीना होना। (भय से पसीना-पसीना होना)
आघुच ले साँप भागिस। हुरहा देखेंव ते मोर तो कारी पछीना छूटगे।
काम लेना
काम लेना : बुता कमाए के जुम्मेदारी लेना। (कार्य करने की जिम्मेदारी लेना)
बड़ दिन के काहत रिहिसे तेकर पाये के दाऊ घर भाँड़ी उठाए के काम ले हों।
मंगलवार, 19 अगस्त 2014
काम मा हाँत डारना
काम मा हाँत डारना : बुता सुरु करना। (कार्य प्रारंभ करना)
आज तक जतका काम मा हाँत डारिस, ओहा घाटच खाए हे।
सोमवार, 18 अगस्त 2014
काम बनना
काम बनना : (i) सुवारथ पूरा होना। (स्वार्थ सिद्ध होना)
अब काबर पूछही, ओकर काम तो बनगे।
(ii) काम पूरा होना। (कार्य पूर्ण होना)
बिना नेता धरे ए काम नइ बन सके।
काम चलाना
काम चलाना : जइसे-तइसे बुता निकालना। (जैसे-तैसे कार्य का निर्वाह करना)
काकरो अटघा मा जब काम अटक जथे तब दूसर ले काम चलाए ला परथे।
काम चमकना
काम चमकना : धंधा-पानी मा बिकास होना। (धंधे में उन्नति होना)
काम चमके ले चेहरा के चमक हा दुगुना हो जथे।
काम खुलना
काम खुलना : काम चालू होना। (कार्य प्रारंभ होना)
पउर के अंकाल मा राहत काम खुलिस तउने हा जिउरा बचाए के अधार रिहिसे।
पउर के अंकाल मा राहत काम खुलिस तउने हा जिउरा बचाए के अधार रिहिसे।
काम के लइक
काम के लइकः बुता ला पूरा करे मा सहाय क। (कार्य सिद्धि में सहायक)
जतका झन काम के लइक हें वतके ला राख बाकी ला वापिस भेज दे।
जतका झन काम के लइक हें वतके ला राख बाकी ला वापिस भेज दे।
काम के न कउड़ी के
काम के न कउड़ी केः अबीरथा होना। (व्यर्थ होना)
हमर कागत-कलम तो खेत अउ नाँगर आय बेटा..! तुहँर पोथी-पुरान हमर काम के न कउड़ी के। ये ला तुही मन सम्हाँलो।
रविवार, 17 अगस्त 2014
काम करना
काम करना : अपन गुन नइते परभाव देखाना। (अपना गुण या प्रभाव दिखाना)
हम तो सरी उदीम करके हार गे रेहेन, तोरे उजोग हा काम करिस।
कानो-कान बात चलना
कानो-कान बात चलना : चुपे-चुप बात बिगरना। (गुप्त रुप से बात फैलना)
रातेच मा अयोधिया भर कानो-कान बात चल दिस के-"कैकेई हा राम ला चउदा बच्छर के बनवास दे दिस।"
कानो-कान कहना या चेताना
कानो-कान कहना या चेताना : बारंबार कहना। (बार-बार कहना)
कानो-कान चेताए के बाद घलो बुता ला नइ कमा सके तेकर ले मुरूख अउ कोन होही।
कानो-कान चेताए के बाद घलो बुता ला नइ कमा सके तेकर ले मुरूख अउ कोन होही।
कान ला कउवाँ लेगना
कान ला कउवाँ लेगना : बिन बिचारे बुता करना। (बिना बिचारे कार्य करना)
एक झन भाई हा मुरूख होगे ते होगे फेर ते तो पढ़े-गुने हस, तोर कान ला काबर कउवाँ लेगे, तेला तो बता?
कान मा बात परना
कान मा बात परना : बात सुने मा आना। (बात सुनने में आना)
मोर कान मा बात परे हे के तुमन तीरथ घुमे बर जावत हो, का येहा वाजिब आए मितान?
कान मा पोनी गोंजना
कान मा पोनी गोंजना : सुने ला नइ भाना। (सुनने की इच्छा न होना)
जिराखन के गोठियई मा तो सुनइया हा असकटा जथे। ओकर नाती हा तक अपन कान मा पोनी गोंज ले रथे।
गुरुवार, 14 अगस्त 2014
बुधवार, 13 अगस्त 2014
शासन की साईट
छत्तीसगढ़ राज्य ओपन स्कूल रायपुर
------------------------------------------------------------------------------
------------------------------------------------------------------------------
www.prsu.ac.in
------------------------------------------------------------------------------
------------------------------------------------------------------------------
Press Vigyapti /Pre B. Ed/D. Ed 2014/ New. Admit Card / Press Vigyapti
PET/PPHT2014 /Results - New /Pre - BED/DED EXAM // CENTER LIST
cgvyapam.choice.gov.in/
------------------------------------------------------------------------------
www.cgbse.net/
------------------------------------------------------------------------------
छत्तीसगढ़ माध्यमिक शिक्षा मण्डल से संबधित नवीन जानकारी
cgbse.nic.in/
------------------------------------------------------------------------------
सदस्यता लें
संदेश (Atom)
