घी के दिया बारना

घी के दिया बारना : उच्छाह मनाना। (खुशी मनाना)
मेहनत के फल मन मुताबिक मिलगे तब काबर घी के दिया नइ बारही?

घाल देना

घाल देना : पेरना। (बाधा डालना)

बड़े गुरूजी हा आके अइसे बइठिस ते संझा जुआर के बुतच ला घाल दिस।

घाम खाना

घाम खाना : (i) घाम तापना। (धूप से शरीर की सेकाई करना)

अब्बड़ जाड़ लागत हे थोरकिन महूँ ला घाम खान दे।

(ii) घाम मा झुरोना। (धूप से सुखाना)

कपड़ा मन ला थोकिन अउ घाम खान दे तब सकेलबे।

घानी कस बइला किंजरना :

घानी कस बइला किंजरना : च मरछौंकन मा फँसना। (जल्दी समाप्त न होने वाली उलझन में फँसना)

बाबू के अगोरा मा अपन परिवार ला झन बढ़ा मंगलू, मँहगई के जबाना ए, घानी कस बइला किंजर जबे।

घाट-घाट के पानी पीना

घाट-घाट के पानी पीना : हर किसम ले अनभवी होना। (हर प्रकार से अनुभवी होना)

काली के लइका हमला सिखाए बर आए हे। एला का मालुम हमू हा घाट-घाट के पानी पी के बइठे हन।

घाँठा परना या मरना

घाँठा परना या मरना : आदी होना। (अभ्यस्त होना)चोर-चंडाल ला लाज-बीज के का डर, घेरी-बेरी जेल जा-जा के उँकर घाँठा मर जाए रथे।

घर हा खाए बर धरना

घर हा खाए बर धरना : घर निच्चट सुन्ना अउ डरडरावन लागना। (घर एकदम सुनसान और भयावना लगना)
लइका मन अपन दाई संग ममा गाँव चल दे हें। एके झन हाबों ते घर हा खाए बर धरत हे।

घला जाना

घला जाना : पेरा जाना (बाधित होना)

लकड़ी-नाँगर के का ठिकाना, कहूँ टूटगे ते दू-तीन दिन घला जथे।

घर ला फूँकना

घर ला फूँकना : पूँजी ला नास करना। (संपत्ति का नाश करना)

ददा-बबा के कमाए बहुँत पूँजी-पसरा रिहिसे। ये टूरच हा जुआ-मंद मा घर ला फूँक डरिस।

घर फूँक के तमासा देखना

घर फूँक के तमासा देखना : थोरकिन सुख पाए बर अपन घर ला बरबाद करना। (थोड़ा
सा सुख पाने के लिए अपना घर बबार्द करना)
पढ़े-लिखे खोरकिंजरा मन घर फूँक के तमासा देखइया ताँय।

घर ला जमाना :

घर ला जमाना : पूँजी बनाना। (यथावत)

कुछु नइ रही तिहाँ ले हुसियार लइका हा अपन घर ला जमा डरथे।

घर ला घालना

घर ला घालना : (i) घर के धन-दौलत ला खुहार करना। (घर की संपत्ति बर्बाद करना)

एकर बड़े बेटा तो जुआड़ी हे, घर ला बरबाद करत हे।

(ii) पुरखा के मान-सनमान ला मेंटना। (पुर्वजों की मान-मयार्दा नष्ट करना)

जेकर घर कपूत पैदा होगे ओ तो घर ला घाल डारथे।

घर ला खाली छोंड़ना

घर ला खाली छोंड़ना : घर ला सुन्ना अउ खुल्ला छोंड़ना। (घर को सूना और खुला छोड़ना)

आज बिहिनियाँ ले घर ला खाली छोंड़ के कहाँ गे रेहेव मितान?

घर राखत छेना थोपना

घर राखत छेना थोपना : दुहरा लाभ लेना। (दोहरा लाभ लेना)
तोर इहाँ बहुरिया के बुध ला दूसर नइ पाए सुकालू, ओ तो घर राखत छेना थोपथे।

घर राखना

घर राखना : घरे मा रहना। (घर में ही रहना)
नउकरी के छुटे ले जेठू हा निच्चट ठेलहा हो गेहे तब का करे, घर राखत बइठे रथे।

घर मा चूल्हा नइ बरना

घर मा चूल्हा नइ बरना : जेवन नइ बनना। (रसोई न बनना)

लइका के दुख ओला अइसे जीन डरिस के दू दिन तक ऊँकर घर चूल्हा नइ बरिस।

घर मा आगी लगाना

घर मा आगी लगाना : घर मा झगरा मताना। (घर में झगड़ा खड़ा करना)

खोरकिंजरा-घरफोड़ुक मन घर मा आगी लगाके तमासा देखत हें।

घर भरना

घर भरना : खूब पूँजी-पसरा होना। (खूब धन-दौलत होना)

दूसर के मुहूँ मा पेरा गोंज के अपन घर ला भरही तउन हा कतिक दिन तक च लही।

घर बुड़ना

घर बुड़ना : धन-जोगानी नास होना। (संपत्ति समाप्त होना)

बसंता हा बड़ जन पुलिया बनाए के ठेका का लिस अपन घरे ला बुड़ो डरिस।

घर बिगाड़ना :

घर बिगाड़ना : (i) घर मा लड़ई करना नइते कराना। (घर में लड़ाई कराना या करना)

बारा कोस मा नउकरी करना अउ बँटवारा माँगना हा घर बिगाड़े के उदीम ताय।

(ii) काकरो बहू-बेटी ला गलत रद्दा मा ले जाना। (किसी की बहू-बेटी को गलत मार्ग पर ले जाना)

नउकर हा अपन मालकिन ला भगाके ओकर घर बिगाड़ दिस।